الرئيسيةالتسجيلدخول

شاطر | 
 

 نصائح ذهبيه مقدمه من الاستاذ غيث صلاح

اذهب الى الأسفل 
كاتب الموضوعرسالة
EsLaM
مدير عام الموقع
مدير عام الموقع
avatar

عدد المشاركات : 130
تاريخ الإنضمام : 08/02/2011
العمر : 29

مُساهمةموضوع: نصائح ذهبيه مقدمه من الاستاذ غيث صلاح   الأربعاء يونيو 08, 2011 1:11 pm

اتقى بسم الله الرحين الرحيم الله
*لازم تعرف جميع الاخطاء اللي كانت فى المكتب اللي كنت شغال فيه مندوب.
*مينفعش يكون عندك مندوب او مدرب ليه شخصيه قويه ويكون محبوب بين الناس لازم تكون انت اللي محبوب بين المندبين وبعدين اى حد تانى علشان لو حصل مشكلة بينك وبين المندوب ده من يمشى الناس من عندك.
*عمل ميتنج كل يوم وتتحدث عن الاخطاء اللي فى اليوم اليه فات وتتحدث عن قصه وتخلى المندبين يقوله هما استفادوا من القصة ايه وبعدين تشرح انت القصه على التسويق.
*لو عندك مندوب او اكتر بيعمل كاش عالى لازم تقول كاشه فى الميتنج وتقارن بينه وبين اضعف مندوب ولازم ترمى كلام على المندوب الاضعف بس مش كل يوم على مندوب واحد علشان ميكنش شىى عادى .
*لازم تعمل غيره بين المندبين علشان الناس تشتغل بس الغيره متوصلش لحد الكراهيه
*لو عندك عنصر قديم وبيعمل كاش 250 مينفعش تقول كاشه 250 لا قول كاشه 400 وتعرفه انه يقول امام المندبين انه كاشه 400 علشان الناس تعرف ان فى شغل كويس وعلشان الناس مستوها يزيد وهوكمان هيغير لما الناس تشتغل وهو كمان هيزيد لحد ما يوصل 400 وبعدين عالى انت تانى .
*لازم المدرب يعمل كاش عالى امام التدريب علشان يشوف ان فى بيع وفى مرتب او عموله وعلشان يكون هدف المدرب قدوه للتدريب .
*لازم المدرب يكون قدوه كويسه ويتقى ربنا فى التدريب علشان المدرب مرايه للتدريب وعلشان التدريب ده هو اللي هيتلع معاك وانت مدير علشان يساعدك فى مكتبك وزاى ما انت علمته هو هيعلم الناس اليه عندك.
*لا بد توزيع اعلان كل يوم حتى لو الف ورقه علشان يكون فى تدريب وعلشان المدرب يشوف انه ممكن يكون فريق عمل ويكون مدير وعلشان الناس القديمه بتغير من الناس الجديده.
*فى المقابله لازم تكون واصك من نفسك علشان انت بتقدم خدمه للمقابله مش هو اللي بيقدم ليك خدمه يعنى هو اللي محتاج ليك مش انت .
*عدم التدخين امام المقابله وعدم تشغيل الموبيل وعدم دخول احد عليك فى المقابله والمقابله ممنوع ان يدخن او يرد على التليفون.
*لازم يتعلم المدرب ازاى يعرف يتعامل مع التدريب من اول دقيقه حتى اخر دقيقه وده عن طريق دوره بعد ترقيته الى مدرب ويقوم المدير بشرح التدريب .
*لازم يكون المدرب ترقيته عن طريق الجرس ليس عن طريق شى اخر .
*لازم المدير يقوم بتسليم المندبين فى الصباح ويجب ان يستلم منهم فى الرجوع.
وعند الاستلام اتكلم مع المندوب وتحفيزه وتشجيعه وعند الاستلام يجب ان تعرف جميع السلبيات اليه شفها فى اليوم ويجب عليك ان تسجلها وتتحدث عنها فى الميتنج.
*لازم يكون المندوب شايفك خبره فى التسويق ولازم تعرف ترد على جميع السلبيات اللي عنده حتى لو هتدرد غلط وبعدين تسأل وتصلح ليه على اساس انك مكنتش مركز معاه.
*لو عندك اي مشكله مينفعش المندوب يشوفك زعلان علشان انت اليه بايدك تخليه سلبيى او ايجابى.
*لو جالك مندوب كويس من الشغل ومش عمل مبيعات كويسه شوف المشكله اللي عنده وبعدين قوله حلها وقوله عادى بكرا تعوض اليوم ده ومتزعلش منه واوع تكلمه فى المتنج قول ان الرجل ده وقع علشان عنده مشكله بس.
*لو جالك مندوب ضعيف من الشغل ومش عامل مبيعات كويسه لازم تكلمه بطريقه جامده علشان ميجيش مش شغال تانى وتعرفه انه لو جى مش شغال تانى هينزل تتدريب تانى.
*عدم الرجوع قبل الساعه 5 ولو جالك مندوب قبل الساعه 5 لازم ينزل شغل تانى بس بطريقه كويسه يعنى شدحليك يا حبيبى ولسه بدري وممكن تنزل تزود كاش 100 .
*لازم المدرب يعلم التدريب شغل منطقه .
*عدم كلام المندوبين عن السلبيات فى المنتج اللي مش عايز يستلم منتج براحته .
*لازم تتكلم عن الفرص والأهداف كل فتره .
*لازم عند ترقيه مندوب الى مدرب فى الميتنج وجميع المندبين تعمل تشوظ باى.
*لازم يكون عندك مندوب او سكرتيره عصفوره يعنى يعرفك ايه اليه بيحصل فى المكتب
*لو عندك عنصر فاشل او سلبى لازم تمشيه فى الميتنج علشان تعرف ان الفاشل بيمشى وممكن ترجعه تانى بس لما يجى ليك ويتحالى عليك وتعرفه انها اخر فرصه ليه.
*اوع تحسس المندوب انك محتاجه لازم يحس انه هو اليه محتاج الشركه علشان هو بيشتغل فى احسن شركه.
*لازم توحيد السعر فى المصالح الحكوميه علشان يكوم فى مصدقيه بين المندوب والعميل وبين المندوب وزميله.
*اوع تصاحب المندوب وتخليه ياخد عليك علشان مش هتعرف تسيطر عليه.
*لازم المندوب يعرف انك كونت شغال مندوب وبعدين دلوقتى بقيت مدير وانك بتشتغل بس بعقلك مش شغل عضلى يعنى بردو فى تعب علشان ميقولش لنفسه او لزميل ليه احنا بنتعب والمدير بيكسب من ورانا .
*اوع تنام فى موعيد العمل ولو نمت اوع حد يعرف انك بتنام علشان مش يكون فى غيره منك.
*لازم المندوب يشتغل بالخمسة خطوات ويعرف ازاى يطبقها.
*حاول تبعد عن فلوس الشركه علشان لو عجزت للشركه مش هتعرف تشتغل .
*اكتب جميع مصاريفك كل يوم حتى لو خمسه جنيه .
*متخليش المندوب ياخد البضاعه معاه البيت لازم يجى يسلم حتى لو الساعه 12 مساء او حتى لو مبعش غير بخمسين جنيه.
*ابتكر فى الاعلان وفى التعامل من المندبين.
*اكيد عندك مندوب بيقولك الناس عايزه بضاعه جديده لازم تقوله يغير مكان ولازم يشتغل منطقه علشان عميل المنطه عميل متغير.
*اكيد عندك مندوب بيقولك الشركه اليه بره عندهم بضاعه جامده لازم تقوله واحنا كمان عندنا بضاعه جامده والدليل على كده ان زميلك عامل النهارده مثلا 500 يبقا العيب منك *انت ليس منتج او مكان او وقت انت ثما انت ثم انت.
*اكيد عندك مندوب بيقولك الناس عايزه عبايه او قميص نوم لازم تقوله انت شغال مندوب مبيعات مش مندوب تسويق يعنى انت تبيع بس وبعدين تقوله ان الناس بتقوله لا بطريقة كويسه ولازم تقوله اننا مش هينفع نشتغل فى جميع البضاعه اليه الناس عايزاها .
*لازم يكون المدرب شكله العام جيد .
*لازم يكون المدرب محترم علشان لو خد بنت معاها يقدر يحافظ عليها.
*ممنوع اي علاقه بين المندوبين.
*نصيحه منى عدم تشغيل مندوبين من شركه اخرى علشان هيعمل سلبيه فى المكتب وممكن يمشى واكيد هيمشى علشان هو باع الشركه اليه اتعلم فيها يعنى هيبعك وممكن ياخد ناس معا وهو ماشى.
*عدم قفل باب الشركه من الصبح حتى رجوع اخر مندوب .
*الاتزام بين المندبين بألقاب فى موعيد العمل ويجب عليك انت كمان انى تنادى المندبين بأستاذ.
*عدم هزار المندبين مع بعض.
*عدم دخول المندوبين المخزن.
*لو فى مقابله لازم يكون المندوبين فى العمل ولو فى مندوبين لازم ميكنش فى صوت من. الناس اللي بره ويكون المندوب جالس بحترامه.
*عدم ضحك المندوبين بصوت عالى وخصوصا البنات.
*عدم تشغيل الاغانى بصوت عالى وخصوصا الاغانى الحزينه.
*لازم تشغل قرأن فى الصباح.
*لازم تشغل اغانى حماسيه بعد القرأن وعند رجوع المندبين من العمل.
*لازم تكون مرح فى الميتنج بشرط الميتنج ميخرجش عن الشغل .
*لازم احراج المندوب الضعيف فى الميتنج بس بطريقه كويسه ومش كل يوم علشان ميبقاش مش فارق معاه.
*يجب ان تتابع المندوبين فى العمل عن طريق الموبيل مره واحد الساعه1 وتحميسه على العمل وتفريغ السلبيات .
*المندوب اللي مش عارف يشتغل لازم يتصل بيك وانت تحمسه وتفرغه من السلبيات وممكن تنزله مكان كويس .
*لو عندك مندوب بيعجز وهو شغال عموله لازم تاخد فلوسك ولو عجز تانى متسلمهوش بضاعه لحد ما يجيب الفلوس اليه عليه.
*لازم تكون اول شخص فى المكتب فى الصباح.
*تقفيل الكاش والمستر يوميا.
*عمل جرد فى نص الاسبوع.
*نظافة المكتب يوميا.
*عندما تكون فى المخزن لتسليم المندوبين اجعل اقوى مندوب عندك يقوم بعمل بضشات ويجب ان يسيطر على الناس فى الميتنج.
*لازم تتعامل مع المندوبين بنفس الطريقه حتى لو كانت بنت .
*مينفعش تاخد بنت فى المكتب وتقفل الباب عليكم حتى لو بتكلمها فى شغل.
*علشان تعمل ميتنج كويس حاول تجيب كتاب لبراهيم الفقى وتعمل منه ميتنج.
*لازم تكون قدوه للمندوبين فى كل حاجه.
*لازم انت او السكرتيه او مندوب قديم يرد على التلفون ويكون بيعرف ازاى يرد
*لازم تخصم فلوس من المندوب اليه بيجى متؤخر فى الصباح.
*لو عندك مندوب تعبان او عنده اى ظرف لازم تتصل بيه وتطمن عليه يعنى تحسسه ان العلاقه مش شغل بس.
*لو عندك تدريب لازم يدخل المكتب ويتقفل عليه الباب وتشغل قرأن بصوت عالى علشان ميتكلموش مع بعض وبعدين قبل ما تختم تتخرج التدريب فى اخر خمس دقايق فى الميتنج وتعرف كل مدرب عليه تدريبه بس لازم يكون عندك عدد ميقلش عن عشره فى الميتنج ولو مش عندك عدد خرج واحد واحد ويخرج من المكتب يتعرف على الدريب وينزل على طول
*لازم المدرب يرجع التدريب على المكتب يعنى مينفعش يروح من بره لازم يجى ويتشرح الخمس خطواط والثمانية ويعمل بضشات ويطبق الخمس خطوات.
*عمل ورق على الحائط بالتأخير والغياب حتى يعرف جميع المندبين
*واخيرا مفيش فى التسويق سبب ميخلكش تشتغل غيرك انت.




اعداد الاستاذ/غيث صلاح
مدير فرع الزقازيق

-----------

الايميل الرسمي للشركة
Alsalamcompany40@yahoo.com


-------------------


الاجتماع موجود على موقع الشركة الرسمي
WWW.MS2001.COM
او عبر صفحتنا على الفيس بوك
WWW.FACEBOOK.COM/AlsalamCompany



هيا معا نسير خطا تلو الاخرى الى طريق النجاح....................اسلام موسى
الرجوع الى أعلى الصفحة اذهب الى الأسفل
http://alsalam.dahek.net
 
نصائح ذهبيه مقدمه من الاستاذ غيث صلاح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شركة السلام للاستيراد والتسويق والتوظيف :: منتديات شركة السلام :: محاضرات الشركة :: محاضرات للمديرين-
انتقل الى: